Франция Профессионал футбол лигаси (LFP) тартиб-интизом комиссияси мухлисларнинг хатти-ҳаракати учун "Монпелье"дан бир очко олиб ташлади. Жамоа мухлислари миллий чемпионатининг саккизинчи турида "Клермон" дарвозабонига жароҳат етказишганди.
"Монпелье"дан шартли равишда яна бир очко олиб ташланди. "Клермон"га қарши ўйин "Монпелье"нинг уй стадионида бўш трибуналарда такрор ўтказилади. Клуб чекланган мухлислар қўллаб-қувватлаши билан яна иккита ўйин ўтказишга мажбур бўлади.
8 октябрь куни жамоалар ўртасидаги ўйинда трибунадан ташланган петарда портлагандан сўнг, "Клермон" дарвозабони Мори Диавани замбилда олиб кетишди. Воқеа иккинчи бўлимга қўшиб берилган дақиқаларда содир бўлди. "Клермон" дарвозаси ҳудудида петарда портлади. Ўйин тўхтатилган вақтда "Монпелье" 4:2 ҳисобида ғалаба қозонаётганди.
