"Manchester Yunayted"ning sobiq darvozaboni, hozirda erkin agent bo‘lgan David de Xea ingliz klubiga qaytishi mumkin. Bu haqda Sun Sport xabar bermoqda.
Manbaga ko‘ra, 32 yoshli ispaniyalik mankunianliklar bilan qisqa muddatli shartnoma imzolashi mumkin, chunki "qizil iblislar"ning asosiy darvozaboni Andre Onana kelasi yil boshida Kamerun termasi bilan Afrika Millatlar Kubogiga boradi.
Eslatib o‘tamiz, De Xea 2011 yildan 2023 yilgacha "Manchester Yunayted" darvozasini himoya qilgan. Mankunianliklar tarkibida ispaniyalik Angliya chempioni bo‘ldi va Yevropa Ligasida ham g‘olib chiqdi.