"Манчестер Юнайтед"нинг собиқ дарвозабони, ҳозирда эркин агент бўлган Давид де Хеа инглиз клубига қайтиши мумкин. Бу ҳақда Sun Sport хабар бермоқда.
Манбага кўра, 32 ёшли испаниялик манкунианликлар билан қисқа муддатли шартнома имзолаши мумкин, чунки "қизил иблислар"нинг асосий дарвозабони Андре Онана келаси йил бошида Камерун термаси билан Африка Миллатлар Кубогига боради.
Эслатиб ўтамиз, Де Хеа 2011 йилдан 2023 йилгача "Манчестер Юнайтед" дарвозасини ҳимоя қилган. Манкунианликлар таркибида испаниялик Англия чемпиони бўлди ва Европа Лигасида ҳам ғолиб чиқди.