«Liverpul» hujumchisi Diogu Jota Yevropa ligasi guruh bosqichi 3-turi doirasidagi «Tuluza» ustidan qozonilgan g‘alaba (5:1) haqida fikr bildirdi.
“Bu juda yaxshi g‘alaba bo‘ldi. Biz erta gol urdik, bu har doim yordam beradi. Shundan so‘ng «Liverpul» o‘yinni nazorat qildi, shuning uchun hozir biz uch ochkodan juda xursandmiz. Zaxira o‘yinchilari ham, jumladan, yoshlar ham juda yaxshi o‘yin ko‘rsatishdi. 3 ta o‘yinda 9 ochko - reja shunday edi. Mavsum boshida maqsadimiz bo‘lgan pley-offga keyingi o‘yinda chiqishimiz mumkin. Biz shunday qilmoqchimiz va bunga erisha olishimizga ishonchimiz komil", - deya Jota so‘zlaridan iqtibos keltiradi UEFA matbuot xizmati.
