Ueyn Runi Chempionshipdagi sarguzashtlarini mag‘lubiyat bilan boshladi, shundan so‘ng u jurnalistlarga futbolchilar bilan bo‘lgan suhbati haqida gapirib berdi. Runining so‘zlariga ko‘ra, u jamoaning o‘yin uslubini o‘zgartirish niyatida.
«Men yigitlar bilan gaplashdim va ulardan menga ishonishlarini so‘radim. Men bu jamoaning o‘yin uslubini o‘zgartirmoqchiman.
Yangi sxema barcha o‘yinchilarni qamrab olishi kerak. Lekin endi u ishlamayapti. Balki men juda ko‘p narsa talab qilib yuborayotgandirman.
Agar bu ish bermasa, biz boshqa o‘yin uslubini qidiramiz», - deya angliyalik mutaxassisning so‘zlaridan iqtibos keltiradi Italiyaning ITASportPress axborot agentligi.
