Уэйн Руни Чемпионшипдаги саргузаштларини мағлубият билан бошлади, шундан сўнг у журналистларга футболчилар билан бўлган суҳбати ҳақида гапириб берди. Рунининг сўзларига кўра, у жамоанинг ўйин услубини ўзгартириш ниятида.
«Мен йигитлар билан гаплашдим ва улардан менга ишонишларини сўрадим. Мен бу жамоанинг ўйин услубини ўзгартирмоқчиман.
Янги схема барча ўйинчиларни қамраб олиши керак. Лекин энди у ишламаяпти. Балки мен жуда кўп нарса талаб қилиб юбораётгандирман.
Агар бу иш бермаса, биз бошқа ўйин услубини қидирамиз», - дея англиялик мутахассиснинг сўзларидан иқтибос келтиради Италиянинг ITASportPress ахборот агентлиги.
