"Tottenxem" hujumchisi Son Xyon Min jamoasining istiqbollari haqida gapirdi.

Londonliklar Ange Postekoglu boshchiligida hayratda qoldirishda davom etmoqda: "shporlar" Premyer-liganing o‘n turidan keyin sakkizta g‘alaba, ikkita durang qayd etib hozircha mag‘lubiyatga uchramagan. Hozirda “Tottenxem” turnir jadvalida “Manchester Siti” va “Arsenal”dan 5 ochko oldinda (ikki ta’qibchining ham bir o‘yini bor) peshqadamlik qilmoqda.

"Men titul haqida o‘ylayapmanmi? Umuman yo‘q. Menda biroz tajriba bor, shuning uchun hozir chempionlikni yutamiz deb aytmayman. Biz kamtar bo‘lishimiz kerak, chunki mavsum endigina boshlandi. Biz faqat uch ochkoni qo‘lga kiritib, o‘yindan o‘yinga kuchayib borishni istaymiz. Biz bundan nima chiqishini ko‘ramiz”, dedi Son “Kristal Pelas” ustidan 2:1 hisobidagi g‘alabadan so‘ng Sky Sports nashriga bergan intervyusida.