"Тоттенхэм" ҳужумчиси Сон Хён Мин жамоасининг истиқболлари ҳақида гапирди.
Лондонликлар Анге Постекоглу бошчилигида ҳайратда қолдиришда давом этмоқда: "шпорлар" Премьер-лиганинг ўн туридан кейин саккизта ғалаба, иккита дуранг қайд этиб ҳозирча мағлубиятга учрамаган. Ҳозирда “Тоттенхэм” турнир жадвалида “Манчестер Сити” ва “Арсенал”дан 5 очко олдинда (икки таъқибчининг ҳам бир ўйини бор) пешқадамлик қилмоқда.
"Мен титул ҳақида ўйлаяпманми? Умуман йўқ. Менда бироз тажриба бор, шунинг учун ҳозир чемпионликни ютамиз деб айтмайман. Биз камтар бўлишимиз керак, чунки мавсум эндигина бошланди. Биз фақат уч очкони қўлга киритиб, ўйиндан ўйинга кучайиб боришни истаймиз. Биз бундан нима чиқишини кўрамиз”, деди Сон “Кристал Пэлас” устидан 2:1 ҳисобидаги ғалабадан сўнг Sky Sports нашрига берган интервьюсида.
