Lissabonning “Sporting” klubi markaziy himoyachisi Gonsalu Inasiu Yevropa futboli gigantlarining qiziqishini kuchaytirishda davom etmoqda.
Avvalroq 22 yoshli futbolchining top-klublardan biriga o‘tishi mumkinligi haqida bir necha bor xabar berilgandi. Jurnalist Ekrem Konurning yozishicha, bugungi kunda Inasiu uchun asosiy da’vogarlar – “Real”, “Manchester Yunayted” va “Liverpul”. Transfermarkt ekspertlari bahosini 30 million yevroga baholagan portugaliyalik uchun kurashda aynan shu klublar yetakchilik qilmoqda.
Joriy mavsumda Inasiu “Sporting” safida 12 ta o‘yinda maydonga tushdi. Shuningdek, futbolchi Portugaliya terma jamoasi bilan to‘rtta o‘yin o‘tkazgan.