Лиссабоннинг “Спортинг” клуби марказий ҳимоячиси Гонсалу Инасиу Европа футболи гигантларининг қизиқишини кучайтиришда давом этмоқда.
Аввалроқ 22 ёшли футболчининг топ-клублардан бирига ўтиши мумкинлиги ҳақида бир неча бор хабар берилганди. Журналист Экрем Конурнинг ёзишича, бугунги кунда Инасиу учун асосий даъвогарлар – “Реал”, “Манчестер Юнайтед” ва “Ливерпул”. Transfermarkt экспертлари баҳосини 30 миллион еврога баҳолаган португалиялик учун курашда айнан шу клублар етакчилик қилмоқда.
Жорий мавсумда Инасиу “Спортинг” сафида 12 та ўйинда майдонга тушди. Шунингдек, футболчи Португалия терма жамоаси билан тўртта ўйин ўтказган.