"Chelsi" yarim himoyachisi Konor Gallaxer bosh murabbiy Maurisio Pochettino bilan birinchi uchrashuvidan oldin bu mavsumda klubda qolishiga ishonchi komil emasligini tan oldi.
"Pochettino bilan uchrashishdan oldin "Chelsi"da qolishimga ishonchim komil emas edi. Klubda ko‘p voqealar sodir bo‘ldi, ko‘plab futbolchilar jamoani tark etishdi, ularning o‘rniga boshqalar keldi. Men "Chelsi"da qolish, Pochettino qo‘l ostida o‘ynash va muxlislarga o‘z darajamni ko‘rsatish imkoniyatidan hayajonlandim", — dedi Gallaxer TNT Sports nashriga.
Eslatib o‘tamiz, Konor joriy mavsumda Angliya Premyer-ligasining o‘nta o‘yinida maydonga tushdi. Gallaxerning "ko‘klar" bilan shartnomasi 2025 yilning yoziga qadar tuzilgan.
