"Челси" ярим ҳимоячиси Конор Галлахер бош мураббий Маурисио Почеттино билан биринчи учрашувидан олдин бу мавсумда клубда қолишига ишончи комил эмаслигини тан олди.
"Почеттино билан учрашишдан олдин "Челси"да қолишимга ишончим комил эмас эди. Клубда кўп воқеалар содир бўлди, кўплаб футболчилар жамоани тарк этишди, уларнинг ўрнига бошқалар келди. Мен "Челси"да қолиш, Почеттино қўл остида ўйнаш ва мухлисларга ўз даражамни кўрсатиш имкониятидан ҳаяжонландим", — деди Галлахер TNT Sports нашрига.
Эслатиб ўтамиз, Конор жорий мавсумда Англия Премьер-лигасининг ўнта ўйинида майдонга тушди. Галлахернинг "кўклар" билан шартномаси 2025 йилнинг ёзига қадар тузилган.
