Londonning «Vest Xem» klubi Turinning «Yuventus» klubi yarim himoyachisi Manuel Lokatelliga jiddiy qiziqish bildirmoqda.
Tuttojuve xabariga ko‘ra, «bolg‘achilar» italiyalik yarim himoyachi uchun 40 million yevro tovon puli to‘lashga tayyor.
Eslatib o‘tamiz, o‘tgan yozda «Yuventus» rahbariyati Lokatelli bilan xayrlashishga qarshi emas edi, biroq «keksa sinyora»ning moliyaviy talablarini qondiradigan xaridor topilmadi.
«Vest Xem» yanvar oyida Lokatellini sotib olishga harakat qiladi, ammo «Yuventus» Manuel bilan mavsum o‘rtasida xayrlashishni istamasligi mumkin.
