Karlo Anchelotti "Barselona" ustidan qozonilgan g‘alabadan so‘ng o‘z his-tuyg‘ulari bilan o‘rtoqlashdi.

Madrid klubi La Liga doirasidagi o‘yinda 2:1 hisobida g‘alaba qozondi.

"Asosiy omil - birinchi va ikkinchi bo‘limlarda jamoaning kayfiyatidagi farq.

Birinchi bo‘limda biz sekin, dangasa, unchalik tajovuzkor emas edik. Ikkinchisida esa buning aksi bo‘ldi.

Ha, ba’zida siz xohlagan tarzda o‘ynamasligingiz mumkin. Biz esa o‘z darajamizda emas edik. Bo‘lib turadi. Birinchi bo‘limni unutib qo‘ydik. Yaxshiyamki, ikkinchi bo‘lim boshqacha o‘tdi va g‘alaba qozona oldik.

Luka Modrid o‘yin dinamikasini o‘zgartirdi. Biz to‘pni ko‘proq nazorat qila boshladik.

Statistikaga ko‘ra, qiyin stadionda uch ochkoni qo‘lga kiritdik. Ko‘p o‘yinlarni mehmonda o‘tkazdik. Taqvim buni talab qildi, lekin biz buni yaxshi bajardik.

Lekin mavsum barcha jamoalar uchun uzoq. "Barselona" ajoyib jamoa bo‘lishda davom etmoqda. Ular oxirigacha o‘ynashadi", - dedi "Real" bosh murabbiyi Karlo Anchelotti.