"Bavariya" darvozaboni Manuel Noyer Germaniya terma jamoasiga qaytish haqidagi savolga javob berdi.
Shanba kuni 37 yoshli futbolchi jarohati tufayli uzoq vaqt tanaffusdan so‘ng ilk o‘yinini o‘tkazdi. Myunxenliklar “Darmshtadt”ni mag‘lub etishdi (8:0), Noyer esa jamoa darvozasi daxlsizligini saqlab qolishga yordam berdi, buning uchun u Tomas Tuxelning olqishiga sazovor bo‘ldi.
O‘yindan keyingi intervyuda darvozabondan Yevropa chempionati oldidan Germaniya terma jamoasiga qaytishi mumkinligi haqida so‘rashdi: "O‘ylashimcha, ayni damda ter Shtegen jamoada yaqqol birinchi raqamli darvozabon. Germaniyada ajoyib darvozabonlar bor, biz hammamiz Yevroni intiqlik bilan kutamiz. Kecha Nagelsmann bilan bog‘landim va u menga omad tiladi. "Men mutlaqo xotirjamman", dedi Noyer.
