Madridning «Real» klubi Ispaniya La Ligasining 11-turi doirasida «Barselona» ustidan irodali g‘alabaga erishdi. Uchrashuv 2:1 hisobida yakunlandi.
O‘yindan so‘ng «Real Madrid»ning braziliyalik hujumchisi Vinisius Junior RMTV telekanali orqali jamoa Karlo Anchelottidan bir necha kunlik ta’til so‘rashi haqida gapirdi.
Futbolchining so‘zlariga ko‘ra, murabbiy chorshanba kuniga qadar jamoaga dam beradi. Vinisius ta’kidlaganidek, Anchelotti har doim futbolchilarni tushunadi va imkon bo‘lganda erkinlik beradi.