"Yuventus" boshqaruvchisi Massimiliano Allegri jamoaning mavsumdagi maqsadlari haqidagi yana bir savolga javob berdi.

Turinliklar 97-daqiqada kiritilgan gol evaziga “Verona” ustidan minimal hisobda g‘alaba qozonib, A Seriya turnir jadvalida birinchi o‘ringa chiqib oldi. O‘n turdan keyin “Yuventus” hisobida 23 ochko bor, to‘qqiztadan o‘yin o‘tkazgan “Inter” va “Milan” mos ravishda 22 va 21 ochko jamg‘argan.

“Biz turnir jadvaliga qarayapmizmi? Ha, lekin biz beshinchi o‘rinni ham kuzatishimiz kerak. Birinchi bo‘lish juda yoqimli, lekin birinchi navbatda bu bizning futbolchilarimiz uchun muhim – ulardan bir nechtasi A Seriyaning yuqori pog‘onasini egallagan.

Skudetto orzumi? Siz doimo biror narsa haqida orzu qilishingiz kerak. Biz uchun kuchli to‘rtlikka kirish muhim. Oxir-oqibat nima bo‘lishini ko‘ramiz, lekin biz hali ham idealdan yiroqmiz, biz faqat rivojlanish jarayonidamiz", - deya Allegrining so‘zlarini keltiradi Italiya OAV.