«PSJ» bosh murabbiyi Luis Enrike yarim himoyachi Li Kan Inning jamoa uchun qanchalik muhimligini tushuntirdi.

22 yoshli futbolchi parijliklar safiga iyul oyida Ispaniyaning «Malyorka»sidan ko‘chib o‘tgan edi. Yaqinda Chempionlar ligasi doirasidagi «Milan»ga qarshi o‘yinda (3:0) koreyalik futbolchi «PSJ» safida birinchi golini kiritdi.

«Biz Li nimaga qodirligini bilamiz. U to‘pni yo‘qotmaydi, dribling evaziga son jihatdan ustunlikni yaratadi va ajoyib jismoniy xususiyatlarga ega.

Uning ko‘p qirraliligi biz uchun juda foydali bo‘lishi mumkin - u ikkala qanotda ham, oldinda ham, yarim himoyada ham o‘ynashga qodir va yolg‘on to‘qqizlik bo‘lishi mumkin.

Bunday futbolchi bilan ishlash murabbiy uchun katta zavq. Undan umidimiz katta», - deya Enrikening so‘zlarini keltiradi jurnalist Alfredo Pedulla.