«ПСЖ» бош мураббийи Луис Энрике ярим ҳимоячи Ли Кан Иннинг жамоа учун қанчалик муҳимлигини тушунтирди.

22 ёшли футболчи парижликлар сафига июль ойида Испаниянинг «Мальорка»сидан кўчиб ўтган эди. Яқинда Чемпионлар лигаси доирасидаги «Милан»га қарши ўйинда (3:0) кореялик футболчи «ПСЖ» сафида биринчи голини киритди.

«Биз Ли нимага қодирлигини биламиз. У тўпни йўқотмайди, дриблинг эвазига сон жиҳатдан устунликни яратади ва ажойиб жисмоний хусусиятларга эга.

Унинг кўп қирралилиги биз учун жуда фойдали бўлиши мумкин - у иккала қанотда ҳам, олдинда ҳам, ярим ҳимояда ҳам ўйнашга қодир ва ёлғон тўққизлик бўлиши мумкин.

Бундай футболчи билан ишлаш мураббий учун катта завқ. Ундан умидимиз катта», - дея Энрикенинг сўзларини келтиради журналист Алфредо Педулла.