Meksikalik hujumchi Xavyer Ernandes shartnomasi muddati tugagach, Amerikaning "Los-Anjeles Gelaksi" klubini tark etadi.
“Ko‘ramiz kim safida, lekin men keyingi yil o‘ynashimni bilaman.
Tiklanish juda yaxshi ketmoqda. Ikki-uch oydan keyin yana maydonga tushaman", - deya Ernandesning so‘zlarini keltiradi Fox Sports.
Meksikalik futbolchi shu yozda xochsimon bog‘lami yirtilgan va kamida fevralgacha safdan chiqqandi. Amerika klubi bilan shartnoma 2023 yilning dekabrigacha mo‘ljallangan va "Los-Anjeles Gelaksi" hujumchi keyingi mavsum uchun rejalarga kiritilmaganini allaqachon ma’lum qilgan.