Мексикалик ҳужумчи Хавьер Эрнандес шартномаси муддати тугагач, Американинг "Лос-Анжелес Гэлакси" клубини тарк этади.
“Кўрамиз ким сафида, лекин мен кейинги йил ўйнашимни биламан.
Тикланиш жуда яхши кетмоқда. Икки-уч ойдан кейин яна майдонга тушаман", - дея Эрнандеснинг сўзларини келтиради Fox Sports.
Мексикалик футболчи шу ёзда хочсимон боғлами йиртилган ва камида февралгача сафдан чиққанди. Америка клуби билан шартнома 2023 йилнинг декабригача мўлжалланган ва "Лос-Анжелес Гэлакси" ҳужумчи кейинги мавсум учун режаларга киритилмаганини аллақачон маълум қилган.