«Nyukasl» hujumchisi Kallum Uilson yana penaltini muvaffaqiyatli amalga oshirdi.

31 yoshli futbolchi «Vulverxempton»ga qarshi bahsda birinchi bo‘lim oxirida penaltini aniq amalga oshirib, dubl qayd etdi.

Shunday qilib, Optaning xabar berishicha, Uilson Premyer-ligadagi 17 ta urinishdan 16 tasida 11 metrli nuqtadan gol urgan (94%).

Bu esa liga tarixidagi uchinchi eng yuqori ko‘rsatkich hisoblanadi. Reyting yetakchisi Mett le Tissye (26 urinishda 25 ta gol, 96%), ikkinchi o‘rinda Denni Merfi (19 tadan 18 ta, 95%) bormoqda.