«Ньюкасл» ҳужумчиси Каллум Уилсон яна пенальтини муваффақиятли амалга оширди.
31 ёшли футболчи «Вулверхэмптон»га қарши баҳсда биринчи бўлим охирида пенальтини аниқ амалга ошириб, дубл қайд этди.
Шундай қилиб, Optaнинг хабар беришича, Уилсон Премьер-лигадаги 17 та уринишдан 16 тасида 11 метрли нуқтадан гол урган (94%).
Бу эса лига тарихидаги учинчи энг юқори кўрсаткич ҳисобланади. Рейтинг етакчиси Мэтт ле Тиссье (26 уринишда 25 та гол, 96%), иккинчи ўринда Дэнни Мерфи (19 тадан 18 та, 95%) бормоқда.