Milanning “Inter” jamoasining yangi a’zosi Markus Tyuram top-klubga qarshi navbatdagi muhim o‘yinda jamoasiga g‘alaba keltirdi – o‘tgan mavsumda kuchli klublarga tinmay mag‘lub bo‘lgan “Inter” bu safar “Roma”ni mag‘lub etdi. Tyuram o‘yin voqealariga izoh berdi va “Inter”da o‘zini uyidagidek his qilishini tasdiqladi.

"Bu yerga ishlash, yigitlarga yordam berish uchun keldim. Men uchun eng muhimi jamoa g‘alaba qozonishi. Jamoa g‘alabalarini ko‘rganimda, ko‘nglim to‘ladi. "San-Siro"da gol urish juda yoqimli. Ushbu stadiondagi barcha o‘yinlar o‘zgacha. "Inter" sharafini himoya qilganimdan xursandman", - dedi Tyuram.