Миланнинг “Интер” жамоасининг янги аъзоси Маркус Тюрам топ-клубга қарши навбатдаги муҳим ўйинда жамоасига ғалаба келтирди – ўтган мавсумда кучли клубларга тинмай мағлуб бўлган “Интер” бу сафар “Рома”ни мағлуб этди. Тюрам ўйин воқеаларига изоҳ берди ва “Интер”да ўзини уйидагидек ҳис қилишини тасдиқлади.
"Бу ерга ишлаш, йигитларга ёрдам бериш учун келдим. Мен учун энг муҳими жамоа ғалаба қозониши. Жамоа ғалабаларини кўрганимда, кўнглим тўлади. "Сан-Сиро"да гол уриш жуда ёқимли. Ушбу стадиондаги барча ўйинлар ўзгача. "Интер" шарафини ҳимоя қилганимдан хурсандман", - деди Тюрам.
