Devid Bekxem Mayamida Lionel Messi uchun ziyofat uyushtirishga va’da berdi.
Argentina terma jamoasi va "Inter Mayami" MLS klubining 36 yoshli sardori o‘z faoliyatida rekord darajadagi 8-marta futboldagi eng nufuzli shaxsiy sovrinni qo‘lga kiritdi. U avvalroq 2009, 2010, 2011, 2012, 2015, 2019, 2021 yillarda ushbu sovrinni qo‘lga kiritgan.
“Bu yerda Messi bilan birga bayram qilish men uchun zavq va sharaf.
Men u bilan bir shaharda yashaganimdan baxtiyorman. Biz unga Mayamida ajoyib ziyofat uyushtiramiz”, dedi mukofotni argentinalikka topshirgan “Inter Mayami” egasi Bekxem.