"Nyukasl" rahbariyati bor e’tiborini "Santos" hujumchisi Markos Leonardoning ehtimoliy xaridiga qaratishga qaror qildi.
Jurnalist Bruno Andrade xabariga ko‘ra, "qarg‘alar" rahbariyati Braziliya klubi hujumchisi borasida surishtiruv o‘tkazmoqda. Qayd etilishicha, “Santos” rahbarlari o‘z futbolchisi uchun 20-25 million yevro ishlab olishni maqsad qilgan.
Joriy mavsumda Braziliya A seriyasida Markos Leonardo 13 ta gol urdi va 2 ta golli uzatmani amalga oshirdi. Transfermarkt portali 20 yoshli hujumchining narxini 17 million yevroga baholamoqda. Avvalroq, "Roma" va "Arsenal" Braziliya yoshlar terma jamoasidan futbolchi olish istagini bildirgan edi.
