"Ньюкасл" раҳбарияти бор эътиборини "Сантос" ҳужумчиси Маркос Леонардонинг эҳтимолий харидига қаратишга қарор қилди.
Журналист Бруно Андраде хабарига кўра, "қарғалар" раҳбарияти Бразилия клуби ҳужумчиси борасида суриштирув ўтказмоқда. Қайд этилишича, “Сантос” раҳбарлари ўз футболчиси учун 20-25 миллион евро ишлаб олишни мақсад қилган.
Жорий мавсумда Бразилия А сериясида Маркос Леонардо 13 та гол урди ва 2 та голли узатмани амалга оширди. Transfermarkt портали 20 ёшли ҳужумчининг нархини 17 миллион еврога баҳоламоқда. Аввалроқ, "Рома" ва "Арсенал" Бразилия ёшлар терма жамоасидан футболчи олиш истагини билдирган эди.
