"Real" yarim himoyachisi Jud Bellingem dunyoning eng yaxshi yosh futbolchisi sovrini uchun ovoz berishdagi g‘alabasi haqida fikr bildirdi.
"Ushbu mukofot uchun barchaga minnatdorchilik bildirmoqchiman. Zidanning "Real Madrid"dagi beshinchi raqami? Zidan qilgan narsaga erishishim uchun uzoq yo‘l bosib o‘tishim kerak, ammo u meni ilhomlantiradigan futbolchi", - dedi Bellingem Marca bilan suhbatda.
Eslatib o‘tamiz, Bellingem so‘nggi transfer oynasida Dortmundning “Borussiya” klubidan “Real”ga 103 million yevro evaziga o‘tgandi. Uning Madrid klubi bilan shartnomasi 2029 yilning iyun oyi oxirigacha amal qiladi.
