«Barselona»ning sobiq hujumchisi, hozirda «Inter Mayami»da o‘ynayotgan Lionel Messi futbolchilik faoliyatini yakunlaganidan so‘ng Kataloniya klubida ishlashni istamoqda.
El Chiringuito xabariga ko‘ra, 36 yoshli argentinalik kelajakda «Barselona»ning yangi sport direktori bo‘lish istagini bildirgan.
Shu bilan birga, manbaning qayd etishicha, agar Messiga Argentina terma jamoasining texnik direktori bo‘lish taklifi tushsa, u terma jamoa foydasiga tanlov qiladi.
Eslatib o‘tamiz, avvalroq Messi ovoz berishda «Manchester Siti» forvardi Erling Xoland va «PSJ» hujumchisi Kilian Mbappeni ortda qoldirib, sakkizinchi marta «Oltin to‘p» sohibiga aylangandi.