Ektor Kuper qo‘l ostidagi Suriya terma jamoasi Osiyo kubogi oldidan Germaniya terma jamoasi futbolchisini mahalliylashtirmoqchi.
Yaqinda argentinalik futbolchilar Esekiel Xam va Ibraim Esar Quvayt terma jamoasiga qarshi o‘rtoqlik o‘yinida o‘z debyutini nishonlashgan edi. Mahalliylashtirilishi kutilayotgan navbatdagi futbolchilar bu - germaniyalik Mahmud Daud (suratda) va argentinalik Halil Elias hisoblanishadi:
1. Mahmud Daud - 1996-yil Suriyada tug‘ilishi bilan ota-onasi tomonidan Germaniyaga olib ketilgan. Dortmundning "Borussiya" jamoasi sobiq yarim himoyachisi hozirda APL vakili "Brayton" sharafini himoya qilmoqda. Germaniya milliy terma jamoasi safida 2 ta o‘rtoqlik uchrashuvida maydonga tushgan;
2. Halil Elias - 1996-yil Argentinaning Rosario shahrida tug‘ilgan, kelib chiqishi suriyalik bo‘lgan yana bir yarim himoyachi. Hozirda Argentina chempionatining "San-Lorenso" jamoasi safida to‘p tepadi.
2018-2019 yillarda O‘zbekiston terma jamoasini boshqargan Ektor Kuper, sobiq jamoasiga qarshi Osiyo kubogining 1-tur o‘yiniga juda prinsipial tarzda tayyorgarlik ko‘rmoqda.
