Эктор Купер қўл остидаги Сурия терма жамоаси Осиё кубоги олдидан Германия терма жамоаси футболчисини маҳаллийлаштирмоқчи.
Яқинда аргентиналик футболчилар Эсекиэль Хам ва Ибраим Эсар Қувайт терма жамоасига қарши ўртоқлик ўйинида ўз дебютини нишонлашган эди. Маҳаллийлаштирилиши кутилаётган навбатдаги футболчилар бу - германиялик Маҳмуд Дауд (суратда) ва аргентиналик Ҳалил Элиас ҳисобланишади:
1. Маҳмуд Дауд - 1996-йил Сурияда туғилиши билан ота-онаси томонидан Германияга олиб кетилган. Дортмунднинг "Боруссия" жамоаси собиқ ярим ҳимоячиси ҳозирда АПЛ вакили "Брайтон" шарафини ҳимоя қилмоқда. Германия миллий терма жамоаси сафида 2 та ўртоқлик учрашувида майдонга тушган;
2. Ҳалил Элиас - 1996-йил Аргентинанинг Росарио шаҳрида туғилган, келиб чиқиши суриялик бўлган яна бир ярим ҳимоячи. Ҳозирда Аргентина чемпионатининг "Сан-Лоренсо" жамоаси сафида тўп тепади.
2018-2019 йилларда Ўзбекистон терма жамоасини бошқарган Эктор Купер, собиқ жамоасига қарши Осиё кубогининг 1-тур ўйинига жуда принципиал тарзда тайёргарлик кўрмоқда.
