"Valensiya" "Oltin to‘p"ni topshirish marosimida "Mestalya"dan olingan kadrlar namoyish etilganidan norozi.
Kecha Parijdagi "Shatle" teatrida bo‘lib o‘tgan "Oltin to‘p"ni topshirish marosimida "Real Madrid" vingeri Vinisius Junior xayriya ishlari uchun "Sokrates sovrini"ni oldi. G‘olib nomi e’lon qilinganida, “Real” bilan La Liganing so‘nggi mavsumida “Mestalya”da bo‘lib o‘tgan o‘yindan lavhalar sahnada namoyish etildi – videoda Vinisius uni irqiy bahonada haqorat qilayotgan muxlislar bilan tortishib qoladi.
"Valensiya" "Oltin to‘p"ni topshirish marosimida klub shiddat bilan va zudlik bilan ko‘rib chiqayotgan alohida ishlarga oid kadrlarimizdan foydalanganimizdan afsusda. Ishga aloqadorlarga eng og‘ir jazo qo‘llanildi.
Biz irqchilikni keskin qoralaganimizni yana bir bor tasdiqlaymiz, lekin shu bilan birga muxlislarimiz va klubga hurmat ko‘rsatishga chaqiramiz”, — deyiladi marosimdan so‘ng "Valensiya" klubining ijtimoiy tarmog‘ida.
