"Yuventus" "Sassuolo"ning qanot hujumchisi Domeniko Berardi uchun talab qilayotgan summadan qoniqmayapti, deya xabar beradi jurnalist Nikolo Skira.

Manbaga ko‘ra, "Sassuolo" o‘z futbolchisi uchun 30-35 million yevro olmoqchi. "Yuventus" bu miqdorni juda yuqori deb hisoblaydi.

Shu bois klub yana bir o‘ng qanot vingeri - "Frozinone"da ijara asosida o‘ynayotgan Matias Sulega umid bog‘lashga qaror qildi.

29 yoshli Berardi joriy mavsum “Sassuolo” safida 8 ta o‘yinda maydonga tushdi. Uning hisobida 5 ta gol va 1 ta golli uzatma bor.

Transfermarkt futbolchini 20 million yevroga baholamoqda. Uning shartnomasi 2027 yilgacha mo‘ljallangan.