"Ювентус" "Сассуоло"нинг қанот ҳужумчиси Доменико Берарди учун талаб қилаётган суммадан қониқмаяпти, дея хабар беради журналист Николо Скира.

Манбага кўра, "Сассуоло" ўз футболчиси учун 30-35 миллион евро олмоқчи. "Ювентус" бу миқдорни жуда юқори деб ҳисоблайди.

Шу боис клуб яна бир ўнг қанот вингери - "Фрозиноне"да ижара асосида ўйнаётган Матиас Сулега умид боғлашга қарор қилди.

29 ёшли Берарди жорий мавсум “Сассуоло” сафида 8 та ўйинда майдонга тушди. Унинг ҳисобида 5 та гол ва 1 та голли узатма бор.

Transfermarkt футболчини 20 миллион еврога баҳоламоқда. Унинг шартномаси 2027 йилгача мўлжалланган.