Aitana Bonmati dushanba oqshomida 2023 yilgi «Oltin to‘p» sohibi bo‘ldi. Unga sovrinni tennischi Novak Jokovich topshirdi. Ushbu qaror bir qator savollarni keltirib chiqardi. 

Oddiy qilib aytganda, Jokovichning aynan shu rolga tanlanganiga hech qanday mantiqiy yoki rasmiy sabab yo‘q.

Taqdirlash uchun ayollar o‘yinidagi afsonani tanlash o‘rniga, tadbirni tashkil qilganlar serb bunga yaxshiroq mos keladi deb qaror qilishdi.

Ushbu qaror katta tanqidlarga uchradi va ayollar mukofotiga ko‘p e’tibor berilmaganini yana bir bor tasdiqladi.

Lionel Messiga «Oltin to‘p»ni Devid Bekxem topshirgan bo‘lsa, Gari Lineker Gerd Myuller kubogini Erling Xolandga topshirdi. Bonmatiga nega ayollar futbolida ko‘zga ko‘ringan kishi tomonidan mukofot berilmagani yanada hayratlanarli bo‘ldi.

Eng qizig‘i, Jokovich avvalroq tennisda erkaklar va ayollar teng maosh olishiga qarshi chiqqan edi.

O‘shandan beri u futbolda ham ayollar mukofotini tashkil etish xatoligini ta’kidlaydi.

Bundan ham yomoni, Jokovich Bonmati nomini «Oltin to‘p» g‘olibi sifatida o‘qigandan so‘ng, JCH g‘olibiga kubokni topshirishni unutib, bir chetda turib qoldi.