Аитана Бонмати душанба оқшомида 2023 йилги «Олтин тўп» соҳиби бўлди. Унга совринни теннисчи Новак Жокович топширди. Ушбу қарор бир қатор саволларни келтириб чиқарди. 

Оддий қилиб айтганда, Жоковичнинг айнан шу ролга танланганига ҳеч қандай мантиқий ёки расмий сабаб йўқ.

Тақдирлаш учун аёллар ўйинидаги афсонани танлаш ўрнига, тадбирни ташкил қилганлар серб бунга яхшироқ мос келади деб қарор қилишди.

Ушбу қарор катта танқидларга учради ва аёллар мукофотига кўп эътибор берилмаганини яна бир бор тасдиқлади.

Лионел Мессига «Олтин тўп»ни Дэвид Бекхэм топширган бўлса, Гари Линекер Герд Мюллер кубогини Эрлинг Холандга топширди. Бонматига нега аёллар футболида кўзга кўринган киши томонидан мукофот берилмагани янада ҳайратланарли бўлди.

Энг қизиғи, Жокович аввалроқ теннисда эркаклар ва аёллар тенг маош олишига қарши чиққан эди.

Ўшандан бери у футболда ҳам аёллар мукофотини ташкил этиш хатолигини таъкидлайди.

Бундан ҳам ёмони, Жокович Бонмати номини «Олтин тўп» ғолиби сифатида ўқигандан сўнг, ЖЧ ғолибига кубокни топширишни унутиб, бир четда туриб қолди.