Londonning "Arsenal" klubi asosiy tarkibdagi eng muhim o‘yinchilardan biri - himoyachi Ben Uayt bilan yangi shartnoma bo‘yicha kelishuvga erishdi.
Football Insider nashri xabariga ko‘ra, muzokaralar qizg‘in davom etmoqda va har ikki tomon yangi shartnoma tuzishni istamoqda. Bu futbolchining uzoq muddatda klubda qolishiga imkon beradi. Mikel Artetaning o‘zi Uaytdan juda mamnun va uni kelgusi yillarda jamoasining asosiy o‘yinchisi sifatida ko‘rmoqda.
Uayt 2021 yilning yozidan beri "Arsenal" futbolchisi. 26 yoshli futbolchi "kanonirlar"ning o‘ng qanotidagi asosiy o‘yinchi, lekin ba’zida markaziy himoyada ham o‘ynay oladi. Joriy mavsumda u o‘z klubi safida barcha turnirlarda 15 ta rasmiy o‘yinda maydonga tushib, bitta gol urgan.
