Лондоннинг "Арсенал" клуби асосий таркибдаги энг муҳим ўйинчилардан бири - ҳимоячи Бен Уайт билан янги шартнома бўйича келишувга эришди.

Football Insider нашри хабарига кўра, музокаралар қизғин давом этмоқда ва ҳар икки томон янги шартнома тузишни истамоқда. Бу футболчининг узоқ муддатда клубда қолишига имкон беради. Микель Артетанинг ўзи Уайтдан жуда мамнун ва уни келгуси йилларда жамоасининг асосий ўйинчиси сифатида кўрмоқда.

Уайт 2021 йилнинг ёзидан бери "Арсенал" футболчиси. 26 ёшли футболчи "канонирлар"нинг ўнг қанотидаги асосий ўйинчи, лекин баъзида марказий ҳимояда ҳам ўйнай олади. Жорий мавсумда у ўз клуби сафида барча турнирларда 15 та расмий ўйинда майдонга тушиб, битта гол урган.