O‘zbekiston ayollar milliy terma jamoasi bosh murabbiyi Minori Xonda 2-saralash bosqichi "S" guruhi 3-turi doirasida Hindistonga qarshi bo‘lib o‘tgan o‘yindan so‘ng o‘z fikrlari bilan o‘rtoqlashdi.

"Keyingi bosqichga chiqish uchun, avvalo g‘alaba qozonishimiz shart edi. O‘z oldimizga qo‘yilgan vazifani uddaladik. «B» guruhidagi Xitoy – Janubiy Koreya o‘yinini ham kuzatib bordik, biroq futbolchilarga bahs yakunlanganidan so‘ng bu haqda ma’lum qildik. Navbatdagi bosqichda katta ehtimol bilan Avstraliya bizga raqib bo‘ladi. Ular juda kuchli jamoa, biroq biz ham bor imkoniyatimizni ishga solamiz va futbolchilar bilan birgalikda o‘sishda davom etamiz", — dedi Minori Xonda.