“Manchester Yunayted” darvozaboni Andre Onana Afrika Millatlar Kubogida Kamerun terma jamoasida o‘ynashga qaror qildi, deb xabar bermoqda Daily Mail nashri.
Turnirda ishtirok etish futbolchining bir oyga yaqin klubda ishtirok etmasligiga olib keladi - musobaqa 13 yanvardan 11 fevralga qadar davom etadi.
Avvalroq, "Manchester Yunayted"da mavsum og‘ir boshlangani sababli, Onana turnirga borish uchun shubha qilayotgandi.
Andre 2022 yilning dekabrida bosh murabbiy Rigober Song bilan jahon chempionatidagi to‘qnashuvdan so‘ng terma jamoadagi faoliyatini yakunladi, biroq shu yilning sentyabr oyida Burundiga qarshi Afrika Millatlar kubogi saralash o‘yinida qaytdi va o‘tgan oy Senegalga qarshi o‘ynadi.
Kamerunning Afrika kubogi "C" guruhidagi raqiblari Senegal, Gvineya va Gambiya terma jamoalari bo‘ladi.
