"Atalanta" markaziy himoyachisi Jorjio Skalvini "Inter"ning asosiy maqsadiga aylandi.
Yosh futbolchi o‘tgan mavsum yakunida “neradzurrilar”ning salohiyatli yangi futbolchilari qatoriga kiritilgandi, biroq muzokaralar samara bermadi. O‘shandan beri o‘sib borayotgan yulduz ko‘plab xorijiy gigantlarning e’tiborini jalb qila oldi, ammo "Inter" ham chetda turmayapti. Tuttosport xabariga ko‘ra, Milan klubi rahbariyati Skalvinini kelasi yoz uchun asosiy transfer maqsadi sifatida belgilab qo‘ygan.
Transfermarkt ma’lumotlariga ko‘ra, Italiya terma jamoasining 19 yoshli futbolchisining narxi 40 million yevroni tashkil qiladi.