"Аталанта" марказий ҳимоячиси Жоржио Скальвини "Интер"нинг асосий мақсадига айланди.
Ёш футболчи ўтган мавсум якунида “нерадзуррилар”нинг салоҳиятли янги футболчилари қаторига киритилганди, бироқ музокаралар самара бермади. Ўшандан бери ўсиб бораётган юлдуз кўплаб хорижий гигантларнинг эътиборини жалб қила олди, аммо "Интер" ҳам четда турмаяпти. Tuttosport хабарига кўра, Милан клуби раҳбарияти Скальвинини келаси ёз учун асосий трансфер мақсади сифатида белгилаб қўйган.
Transfermarkt маълумотларига кўра, Италия терма жамоасининг 19 ёшли футболчисининг нархи 40 миллион еврони ташкил қилади.