"Manchester Yunayted" bosh murabbiyi Erik ten Xag Liga kubogi doirasida "Nyukasl"dan uchralgan mag‘lubiyatdan keyin (0:3) o‘z fikrlari bilan o‘rtoqlashdi.

"Bu "Manchester Yunayted"dan hamma kutgan me’yordan past – biz yetarlicha o‘yin ko‘rsatmayapmiz.

Biz hozir yomon ahvoldamiz. Buning uchun mas’uliyatni o‘z zimmamga olaman. Men buni qiyinchilik deb bilaman. Men jangchiman va bu jangda qatnashaman. Men buni futbolchilarim bilan baham ko‘rishimga ishonch hosil qilishim kerak, shunda biz birga bo‘lamiz, birga kurashamiz va yaxshi natijalarga erishamiz.

Biz hamma narsani tuzatishimiz kerak. Bu mening jamoam va ular o‘ynashmayapti. Men javobgarman. Jamoa sifatida biz yetarlicha yaxshi emasmiz va qanday sabablar bo‘lishidan qat’iy nazar, bahonalarga o‘rin yo‘q.

Biz yaxshiroq ishlashimiz va standartlarimizni oshirishimiz kerak, chunki aks holda siz hech qachon kerakli ishlash darajasiga erisha olmaysiz va hech qachon natijalarga erisha olmaysiz.

Lekin men jangchiman. Bilaman, raqamlar har doim ham oshib boravermaydi va biz bu mavsumda ko‘p muvaffaqiyatsizliklarga duch keldik, lekin buni qabul qilishimiz kerak.

Vaziyatni to‘g‘irlay olamanmi? Natija bo‘lmasa, shubha qilish mantiqan to‘g‘ri ekanligini tushunaman. Lekin men buni qila olishimga ishonchim komil. Barcha klublarimda shunday qilganman, o‘tgan yili ham shunday qilganman", - dedi Ten Xag Daily Mail bilan suhbatda.