"Aston Villa" va Argentina terma jamoasi darvozaboni Emiliano Martines "Oltin to‘p-2023" natijalaridan so‘ng "PSJ"ning fransiyalik hujumchisi Kilian Mbappeni maqtadi.
Lionel Messi 8-marta "Oltin to‘p"ni qo‘lga kiritdi. Mbappe ovoz berishda argentinalik hujumchi va Erling Xolanddan keyin 3-o‘rinni egalladi.
"Mbappeni dunyoning eng yaxshi futbolchilaridan biri deb hisoblashlari bejiz emas. Men uni futbolchi sifatida ham, shaxs sifatida ham juda hurmat qilaman.
Kilian - namuna. U fenomenal. Jahon chempionatida g‘olib chiqdi, keyingi jahon chempionatida finalga chiqdi va xet-trik qayd etdi... U kabi futbolchi bilan barcha fransuzlar faxrlanishi kerak. Leo va Ronaldu faoliyatini tugatgach, Kilian ularning yo‘lidan boradi va ko‘plab "Oltin to‘p"ni qo‘lga kiritadi", — dedi Martines L’Equipe nashriga.
