Britaniyalik bokschi Tayson Fyuri Frensis Ngannu bilan ehtimoliy revansh jangi haqida gapirdi.
«Yo‘q, bu jang men o‘ylagandek bo‘lmadi. Unda ham boshqa raqiblar kabi zarba berish imkoniyati bo‘ladi, deb o‘ylagandim. Ammo u o‘zini yaxshi jangchi ekanligini isbotladi va ehtimol, kelajakda bizda revansh jangi bo‘lar. Buni kim o‘ylagan bo‘lardi deysiz?» - dedi Fyuri.
Eslatib o‘tamiz, Ngannu va Fyuri o‘rtasidagi jang 28 oktyabr kuni bo‘lib o‘tgandi. Qarama-qarshilik to‘liq 10 raund davom etdi va bo‘lingan qaror (95-94, 95-94, 93-96) bilan Taysonning g‘alabasi bilan yakunlandi.
Biroq, ba’zi ekspertlar g‘olib aslida Frensis bo‘lgan degan fikrni bildirishdi.
