Lissabonning "Sporting" klubi bosh murabbiyi Ruben Amorim Erik ten Xag iste’foga chiqarilsa, "Manchester Yunayted" bosh murabbiyi etib tayinlanishi haqidagi mish-mishlar haqida gapirdi.
"Men "Manchester Yunayted" haqidagi mish-mishlarga izoh berish niyatida emasman. Mening kelajagim haqida tasavvurim bor, lekin hozir bu haqda gapirmayman. Ayni damda buning vaqti emas, mavsum oxirida xabar beraman. Men buni bashorat qila olmayman, chunki bu jamoaning natijalari va boshqa ko‘plab omillarga bog‘liq", - deya Amorimning so‘zlarini keltiradi jurnalist Fabrisio Romano X ijtimoiy tarmog‘ida.
Eslatib o‘tamiz, avvalroq OAVda ingliz klubi rahbariyati ten Xag o‘rniga asosiy mutaxassis sifatida Amorim va Zinedin Zidanni ko‘rayotgani haqida xabarlar tarqalgan edi.
