Лиссабоннинг "Спортинг" клуби бош мураббийи Рубен Аморим Эрик тен Хаг истеъфога чиқарилса, "Манчестер Юнайтед" бош мураббийи этиб тайинланиши ҳақидаги миш-мишлар ҳақида гапирди.
"Мен "Манчестер Юнайтед" ҳақидаги миш-мишларга изоҳ бериш ниятида эмасман. Менинг келажагим ҳақида тасаввурим бор, лекин ҳозир бу ҳақда гапирмайман. Айни дамда бунинг вақти эмас, мавсум охирида хабар бераман. Мен буни башорат қила олмайман, чунки бу жамоанинг натижалари ва бошқа кўплаб омилларга боғлиқ", - дея Аморимнинг сўзларини келтиради журналист Фабрицио Романо Х ижтимоий тармоғида.
Эслатиб ўтамиз, аввалроқ ОАВда инглиз клуби раҳбарияти тен Хаг ўрнига асосий мутахассис сифатида Аморим ва Зинедин Зиданни кўраётгани ҳақида хабарлар тарқалган эди.
