“Inter” A Seriyaning 11-turida “Atalanta”ni mehmonda mag‘lub etdi (2:1).
Uchrashuvning 40-daqiqasida yarim himoyachi Xoqon Chalxano‘g‘li penaltini golga aylantirib, hisobni ochdi. 57-daqiqada milanliklar ustunligini forvard Lautaro Martines oshirdi. Hujumchi Janluka Skamakka 61-daqiqada hisobni bittaga qisqartirdi.
“Inter” 28 ochko to‘pladi va tur yakuniga ko‘ra A Seriya turnir jadvalidagi peshqadamligini saqlab qoladi. “Yuventus” hisobida 23 ochko va bir o‘yin bor. “Atalanta” 19 ochko bilan 5-o‘rinda bormoqda.
Murabbiy Simone Indzagi shogirdlari ketma-ket 4 uchrashuvda g‘alaba qozonishdi. Bungacha “neradzurrilar” “Torino” (3:0), “Zalsburg” (2:1) va “Roma” (1:0)ni mag‘lub etgandi.
