"Chelsi" bosh murabbiyi Maurisio Pochettino "Tottenxem" muxlislarining salbiy munosabatiga tayyor.

"Men ular ko‘rsatgan narsani qabul qilaman. Bitta narsa shundaki, men o‘zim jamoani tark etishga qaror qilmadim. Ishdan bo‘shatilganim uchun biz alohida yo‘l tutdik. Bu klubni tanqid qilish emas, lekin farq shu. Men ketishga qaror qilmadim. Agar meni ishdan bo‘shatishmaganimda, men hali ham "Tottenxem"ni boshqarayotgan bo‘lardim" - dedi Pochettino.

Tez orada Maurisio o‘zining sobiq jamoasi bilan birinchi marta uchrashadi. 12-turdan o‘rin olgan "Tottenxem" - "Chelsi" uchrashuvi ertaga, 6 noyabrdan 7 noyabrga o‘tar kechasi bo‘lib o‘tadi.

Pochettino 2014 yildan 2019 yilgacha “shporlar”ni boshqargan. O‘zining so‘nggi to‘liq mavsumida u jamoani Chempionlar ligasi finaliga olib chiqdi.